Showing posts with label خواطر. Show all posts
Showing posts with label خواطر. Show all posts

Friday, April 04, 2008

وماذا بعد الإضراب






فرحت كثيرا بعدما ما عرفت بتفاصيل الإضراب


أخير الشعب هايتحرك


أخيرا هانتألم بصوت
أخيرا هانقول كفايه بجد تعبنا
كفايه للفساد
كفايه للغلاء
كفاية للظلم
أخير هانحاول نغير المنكر
ونقول إشهد يارب
عملنا اللى فى وسعنا
وبرغم الفرحة دى

بداخلى هموم وتساؤلات كثيرة كثيرة
ولما نعمل إضراب
ولوحصل وإستجابوا لمطبنا
هانكون نسينا نطالب بحكم إسلامى
ولو الحكومه وقعت
هاتيجى حكومه شكلها إيه
هاتيجى إسلامية منين
شجرة الحنضل لا تطرح تفاح
ولو جت إسلامية
هل الشعب هايتقبل حكومة إسلامية
ومازال يتكاسل عن أداء الفرائض
ولم تتشرب قلوبنا حب الإسلام
طبعا نظرة تشاؤمية ولكنه الواقع



كان نفسى قبل مانعمل إضراب علشان غلاء الأسعار والفساد اللى عايشين فيه
نعمل إضرب علشان التبرج المتواجد بين فتيات الإسلام
نعمل إضراب علشان الكليبات العاريه
ونقول مش بلاد المسلمين اللى يدخلها حاجة زى دا

لان أساس الفساد مش ناتج من فساد الحومه وبس
الفساد
ناتج من فسادنا إحنا الشعب المسلم
الفساد
ناتج من بعدنا عن دين ربنا
الفساد


ناتج إن المسلمين أصبحوا مسلمين فى البطاقات وكفى

الناس قريبه جدا من ربنا
ولكن عاوزه اللى ياخد بإيدها
عاوزين الناس تلتزم
يكون الإنسان الغير ملتزم هوه الشاذ
وليس العكس
بحلم باليوم إن كل الجماعات الإسلامية تتوحد
بدل ما الناس بتدخل المسجد وتبدأ تصنف
إخوان ولا سلفىولا أنصارولا جهاد
وتبدا تنقى هاجلس مع مين

نفسى نكون إيد واحده
ونحترم آراء بعض
ونبدأ نحرر أنفسنا من أنفسنا

أعلم همم عاليه كالجبال تسعى لعز الإسلام
ولنهضة البلاد
ولكنها وحدها لاتكفى
عاوزين نقاوم كلنا الفساد
مش فئه معينه
وكلنا نتعلم العلم
مش فئه واحده
وكلنا نكون دعاه
مش فئه واحده
كل على حسب إستطاعته
عاوزه لما نكلم البنات ونقولهم بلاش تبرج
تكون فى مليون بنت تانية بتقولهم نفس الكلام
عاوزين الشباب بيقول لازم صلاة جماعه
ومليون شاب تانى بيقولهم نفس الكلام
عاوزين إنقلاب يحصل فى موازين الناس

عاوزين أولوياتنا ربنا والرسول
مش أكل العيش والزواج والمنصب
عاوزين الدنيا كلها تتكلم وتقول
إحنا أحفاد محمد بن عبد الله
إحنا الشعب المسلم
اللى هايطلع منه حكومه مسلمه
ترجع كرامة الفرد المسلم اللى بيراق دمه فى كل مكان
تقف على رجليها
عاوزين نصنع أكلنا
ونزرع أرضنا
عاوزين نبكى على حالنا
حال المسلمين
حال بعدنا عن ربنا
قبل مانبكى على حال حكومتنا
والفساد اللى معيشانا فيه
وسعتها

هايأتى النصر الحقيقى
ألا إن نصر الله قريب
إن تنصروا الله ينصركم ويثبت أقدامكم
وإن مع العسر يسرا إن مع العسر يسرا
____________________ الخلاصه____________________
الإضراب اللى هايحصل جايز يحقق مطالب شعب
ولكن نريد إضراب يحقق هدف شعب مسلم
والإضراب اللى يحقق هدف شعب مسلم ليس بالتظاهر والضغط على الحكومات بقد ما بتغيير النفس وتربيتها وتربية من حولنا لنعز ديننا وننصره ونصل للحكومة إسلامية
ولذلك يجب ان يكون غضبنا لديننا قبل أن يكون لرغيف الخبر حتى نصل للهدف المنشود

ولكن بالطبع سنشارك فى الإضراب

حتى لا يتمادى الظالمون فى ظلمهم

وإن كان الضرر لاحق بنا كلنا

فلنكن يد واحدة

فلا تتركوا فئه معينه أمام المدفع

وتنسحبوا




Saturday, February 02, 2008

ماذا نفعل لأهلنا فى غزه



ماذا نفعل لأهل غزه

مش أهل غزه بس

للقضيه الفلسطينيه

للمسلمين فى كل أنحاء العالم

اللى معظمنا بينساها أو يتناساها إلا لما تحصل كارثه جديده تفوق بعضنا

ظننت لوهله من اول ما المذابح اللى بتحصل فى غزه وانقطاع الكهرباء ونفاذ الدواء والطعام

إن الدنيا هاتتحرك

وإن الناس هاتفوق

وإن كل الناس حاسه بالقضيه وخطورتها وإن الحرب

حرب على الإسلام قبل ماتكون حرب على الأرض

أبسط حاجة تخيلتها

إن المحلات هاتقول لا للبضائع الأمريكيه واليهوديه

مش إننا لسه هانقنع الناس

ليه بنقاطع

وأهيمتها إن مكنش قيمه ماديه تكون قيمه معنويه

تخيلت

إن فى طرد للسفراء الأمريكان واليهود من كل البلاد العربيه

تخيلت

وحده شامله بتجمع المسلمين وزوال للفرقه

لكن هيهات

لسه شويه

لسه لما نتمسك بدينا

ونحكمه فى أنفسنا الاول وفى أسرتنا قبل مانحكمه على دولتنا

لكن مش عارفه إحنا ليه لسه واقفين نتفرج

ليه مش بنفوق ونرجع لدينا

اللى مش بيصلى الفجر

ليه مش بيصلى

اللى مش بيصلى فى المسجد جماعه

ليه مش بيصلى

اللى مش لابسه الزى الشرعى

ليه مش لابسه

اللى بيغش فى البيع

ليه بيغش

ليه المسلمين لسه مش مسلمين لأوامر ربنا

إنتم شاكين فى دينكم وإنه الصواب ولا إيه

دا إحنا لو كبرنا وقلنا

الله أكبر

اليهود يجى لهم سكته قلبيه ويموتوا

لكن إحنا اللى أذله

إحنا اللى مطاطين راسنا

إحنا لما اخترنا البعد عن دينا كان إختيار لهوانا وذلنا وإنهيارنا

بس لإمته

النصر جاى جاى

بس

هايجى بينا ولا بغيرنا

يقول الله تعالى
(يا أيها الذين آمنوا مالكم إذا قيل لكم انفروا في سبيل الله اثاقلتم إلى الارض أرضيتم بالحياة الدنيا من الآخرة فما متاع الحياة الدنيا في الآخرة إلا قليل - إلا تنفروا يعذبكم عذاباً أليماً ويستبدل قوماً غيركم ولا تضروه شيئاً والله على كل شئ قدير)

طيب هايجى بينا إزاى

ربنا بيقول

(يا أيها الذين آمنوا إن تنصروا الله ينصركم ويثبت أقدامكم )

فين نصرتنا لدين ربنا

فى انفسنا أبسط شىء شىء

لو لم ننصر دين ربنا فى أنفسنا

من أين يأتى لنا النصر ؟؟؟

تقول جولد مائير إن المسلمين هاينتصروا لما يكون عدد المصلين فى الفجر مثل عددهم فى صلاة الجمعه

أعدائنا

عارفين إزاى إحنا هاننتصر (بتمسكنا بدينا )وإحنا ولا إحنا هنا

وإحنا ساكتين .......نايمين

مصميين نخسر دنيتنا وأخرتنا

نرجع للسؤال اللى فوق

نعمل إيه للقضيه الفلسطينيه

الحلول دا من وجهه نظرى عمليه جدااا ولو عملناها هانعيد مجد الإسلام تانى مش الأقصى بس
------

1- ترك الذنوب والمعاصى والعوده إلى الله ونفهم إسلامنا بقه صح

كفانا غش
كفانا ضياع صلوات
كفانا جهر بالمعاصى
كفانا غياب للضمير
كفانا رشوة وفساد
كفانا ذل وإحنا الساده
-------------
2- الأمر بالمعروف والنهى عن المنكر

يقول الله تعالى : { كنتم خير أمة أخرجت للناس تأمرون بالمعروف وتنهون عن المنكر وتؤمنون بالله }

يقول رسول الله صلى الله عليه وسلم من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه وذلك أضعف الإيمان ) رواه مسلم
-------------
3-الدعاء

يقول الله تعالى ( وقال ربكم ادعونى استجب لكم)

ويقول أيضا ( وإذا سألك عبادى عنى فأنى قريب أجيب دعوه الداع..)

يعنى كل يوم قبل النوم أو قبل الفجر صلاة ركعتين والتضرع بالدعاء لنصره الإسلام والمسلمين
وإن ربنا يستخدمنا لخدمه دينه ولا يستبدلنا ونكون احنا الجيل المنشود لنصره الدين وعزه
-------------
4-تفعيل دور المقاطعه

عاوزبن نعرفهم إن دم المسلم مش رخيص
وإن المسلم مش سهل
وإننا أعزه

مش معقول دم المسلم أهون علينا من كيس شيبسى ولا زجاجه بيبسى
لو حد بيبع المنتجات الامريكيه أو اليهوديه أو بيشتريها بالله عليك اترك بيعهاوشرائها لله
وتذكر


إن تنصروا الله ينصركم ويثبت أقدامكم يعنى نصر وثبات

وتذكر أنه من يتق الله يجعل له مخرجا ويرزقه من حيث لايحتسب
يعنى اتق ربنا ووعد من ربنا إن الرزق جاى لك بس نتق الله

ودا موقع فيه قائمه المنتجات التى يجب مقاطعتها
هنا

-------------
5- الدعم المادى والتبرع
-------------

6- نشر القضيه الفلسطينيه بين الأفراد
-------------

7- كل واحد فينا واقف على ثغره من ثغرات الإسلام بالله عليكم اتقنوا عملكم وانصروا دينكم من مكانكم
-------------
البوست اللى فات كان كله نطالب نطالب

لكننا كنا نطالب حكومه لم تؤهل لحكم المسلمين

فنبدأ بأنفسنا

ونطالب أنفسنا وشعوبنا


إن الله لا يغير مابقوم حتى يغيروا ما بأنفسهم

الناس اللى حكمانا دى هيه صورتنا
هيه مننا

إحنا وحشيين وسلبيين
فطلعوا كدا

ربنا معاهم بجد الحساب هايكون ثقيل قوى عليهم

بس العزه والنصر هايجى مننا إحنا الشعب المسلم

التمكين والسياده للإسلام مننا إحنا لما نصلح نفسنا

Saturday, November 24, 2007

خواطر معتمر

بفضل الله ونعمته من الله على بالعمره رمضان الماضى وأحببت انا أنقل بعد الخواطر التى إنتابتنى آن ذاك

الخاطرة الاولى
كانت رحلتنا بريه ونزلنا بالمدينه أولا ثم منها على مكه
ونتوقف عند رحلتنا من المدينه لمكه
عدد الساعات المفروضه من سبع إلى ثمان ساعات
قضيناها نحن بفضل الله ثلاثه عشر ساعه فى الطريق
من بعد صلاة الظهر إلى الثالثه فجرا
فى أثناء الطريق تعطل المكيف الخاص بالاتوبيس ولا يوجد منفذ للهواء
إنتابنا حاله من السخط على السائق اللى المفروض إنه متمم على الأتوبيس وشعرنا بالتعب والإرهاق
وإحنا نازلين علشان الأتوبيس يتصلح قال لى أبى كلمه جميله جدا
إنتم مش مستحملين كام ساعه من غير مكيف والله إنتم بتستعبطوا
فين الصبر؟؟؟ دا سيدنا محمد أثناء الهجره لا كان فيه تكييف ولا أتوبيسات ولا كافتيريات على طوال الطريق!!!
وبتقولوا إنكم عاوزين نهضه ونصرة وعزه للإسلام من غير صبر مش هاينفع
صحيح إحنا بنستعبط
إحنا مش قادرين نستحمل كام ساعه
وسيدنا محمد إستحمل الكثير والكثير فى سبيل إعلاء كلمه الحق وهوه ضامن الجنة
لاقدرين نصير على الطاعات ولا على الإبتبلاءات
وإنا لله وإنا إليه لراجعون
كام واحد مننا بيحافظ على السنن والتحلى بأخلاق الحبيب المصطفى
وكام واحد مننا بيستحمل الإبتبلاء بصدر رحب ولسان حامد


الخاطرة الثانيه
خرجت كالعادة لاداء صلاة الظهر فى الحرم المكى وكان اليوم شديد الحرارة طبعا دا بالنسبه لى لكن بالنسبه لمكه كان يوم ربيعى
وعندما ذهبت كانت الصلاة قد أقيمت فإضطررت للصلاة فى الساحة وكنت نسيت المصليه .......... خلاص مش مهم نصلى على البلاط
خلعت الحذاء ( ودا طبعا غباء منى لانه يجوز إنى فى الوقت دا كنت أصلى بالحذاء) ووضعت رجلى على البلاط أقصد على جمره متوهجه من الحرارة ........ يااااااإلهى ماذا أفعل ... إخترت أن أكمل الصلاة وعند السجود حمدت الله كثيرا إنى منتقبه (لانى لو مكنتش منتقيه كان وجهى تشوه من أثر الحراره) وظننت إن العبايه هاتنصهر من الحراره ولكن الحمد لله لم يحدث لها شىء وشعرت أخت لى من بلد عربيه بمعاناتى فأفسحت لى بجوارها وظللت ادعو لها طوال الصلاة

وفى يوم ثانى ذهبت لصلاة التراويح وصليت أيضا فى الساحة وكان معى المصليه
أقسم بالله كنت أشعر بحرارة البلاط من تحت السجادة

تذكرت سيدنا بلال وهو موضوع على رمال الصحراء دون طعام ولا شراب
ويعذب من قبل قريش ويوضع فوقه حجر وهو ثابت ولاينطق إلا بأحد أحد
يااااااااه دا أنا صفر على الشمال
دا انا ولا حاجة ولا بعمل حاجة
الناس دى كانت بضحى بكل مالديها
حتى أنفسهم علشان خاطر الدين
علشان كلمه الحق
علشان لاإله إلا الله محمد رسول الله
وإحنا بنربى ولادنا على الخوف والجبن وإن ربنا مش أول اولويتنا
إننا ممكن نضحى بأى حاجة علشان أى حاجة إلا ربنا وكلمه الحق
الام تقول لابنها بص ياحبيبى إنت تمشى جمب الحيط ولو عرفت تمشى جواها ياااااااااريت
إحنا م ناقصين مشاكل
إنت مش عارف اللى بيتمسكوا أمن دوله بيتعمل فيهم إيه
إحنا مش عاوزين بهدله ( هوه إنتم مش عارفين اللى كانت بتمسكه قريش كانت بتعمل فى إيه)
ونطلع شباب سلبى ملوش قضيه فى حياته عايش ليها
ونقول أصل الحكومه بايظه وأصل البلد خربانه
ومش أنا اللى هاصلح الكون؟؟؟
!!!!
بس ياريت نتدبر الأيه الكريمه
(وَمَا كَانَ رَبُّكَ لِيُهْلِكَ الْقُرَى بِظُلْمٍ وَأَهْلُهَا مُصْلِحُونَ) هود

Wednesday, August 08, 2007

إنا لله وإنا إليه لراجعون اللهم أجرنا فى مصيبتنا وأخلفنا خيرا منها
اللهم أرزقنا الصبر عند الإبتلاء
اللهم أرزقنا الصبر عند الإبتلاء
اللهم إنى أشكو إليك ضعف قوتى وقله حيلتى وهوانى على الناس أنت رب المستضعفين وانت رب العالمين وأنت ربى
إلى من تكلنى يارب إلى عدو يتجهمنى أم إلى غريب ملكته أمرى إن لم يكن بك عليا غضب فلا أبالى ولكن عافيتك أوسع لى أبوء لك بنعمتك على وأبوء لك بذبنى فإغفر لى فإنه لا يغفر الذنوب إلا أنت

Sunday, July 29, 2007

إعراب كلمه فلسطين

:قال الاستاذ للتلميذ .... قف واعرب يا ولدي
* عشق المسلم ارض فلسطين*
وقف الطالب وقال:
< نسي المسلم ارض فلسطين>
الاول: فعل مبني فوق جدار الذل والتهميش
والفاعل: مستتر في دولة صهيون
والمسلم : مفعول!! بل مكبل في محكمة التفتيش
وارض فلسطين : ظرف مكان مجروراً قسراً مذبوح منذ سنين-
قال المدرس: ياولدي مالك غيرت فنون النحو وقانون اللغة ؟
يا ولدي اليك محاولة اخرى...
*صحت الامة من غفلتها*
قال التلميذ... الفعل: ماضٍ ولى ...
والمستقبل مامول
والتاء: ضمير تخاذل... ذل وهوان
الامة : اسم كان رمز النصر على اعداء الاسلام وبات اليوم ضمير الصمت في مملكة
الاقزام وحرف جر الغفلة ... غطى قلوب الفرسان فباتوا للدنيا عطشى شروها باغلى
الاثمان
الهاء: نداء رضيع... مات اسير الحرمان
قال المدرس يا ولدي نسيت اللغة وحرفت معاني التبيان قال التلميذ:
بل ايمان قل.... وقلب هجر القرآن...
نسينا العزة ... صمتنا باسم السلم وعاهدنا بالاستسلام
دفنا الراس في قبر الغرب...
وخنا عهد الفرقان
معذرة حقاً استاذي فسؤالك حرك اشجاني الهب وجداني معذرة
فسؤالك نار تبعث احزاني وتهد كياني... وتحطم صمتي
عفواً استاذي نطق فؤادي قبل لساني

Thursday, July 26, 2007

إملئوا الأكواب لبنا


يحكى أنه حدثت مجاعة بقرية....فطلب الوالي من أهل القرية طلبًا غريبًا في محاولة منه لمواجهة خطر القحط والجوع... وأخبرهم بأنه سيضع قِدرًا كبيرًا في وسط القرية. وأن على كل رجل وامرأة أن يضع في القِدر كوبًا من اللبن بشرط أن يضع كل واحدالكوب لوحده من غير أن يشاهده أحد. هرع الناس لتلبية طلب الوالي.. كل منهم تخفى بالليل وسكب ما في الكوب الذي يخصه.وفي الصباح فتح الوالي القدر .... وماذا شاهد؟ القدر و قدامتلأ بالماء!!! أين اللبن؟! ولماذا وضع كل واحد من الرعية الماء بدلاً من اللبن؟ كل واحد من الرعية.. قال في نفسه:"إن وضعي لكوب واحد من الماء لن يؤثرعلى كمية اللبن الكبيرةالتي سيضعها أهلالقرية". وكلمنهم اعتمد على غيره ... وكل منهم فكر بالطريقة نفسها التي فكربها أخوه, و ظن أنه هو الوحيد الذي سكب ماءً بدلاًمن اللبن,
والنتيجة التي حدثت..
أن الجوع عم هذه القرية ومات الكثيرون منهم ولم يجدوا ما يعينهم وقتا لأزمات.
هل تصدق أنك تملأ الأكواب بالماء في أشد الأوقات التي نحتاج منك أن تملأهاباللبن؟
عندما تترك نصرةإخوانك الحفاة العراة الجوعى وتتلذذ بكيس من البطاطس أوزجاجة من الكوكاكولا بحجة أن مقاطعتك لن تؤثر فأنت تملأ الأكواب بالماء
عندما لا تتقن عملك بحجة أنه لن يظهر وسط الأعمال الكثيرة التي سيقوم بها غيرك من الناس فأنت تملأالأكواب بالماء
.
عندما لا تخلص نيتك في عمل تعمله ظناً منك أن كل الآخرين قد أخلصوا نيتهم و أن ذلك لن يؤثر، فأنت تملأ الأكواب بالماء
عندما تحرم فقراء المسلمين من مالك ظناً منك أن غيرك سيتكفل بهم..... عندما تتقاعس عن الدعاءللمسلمين بالنصرة والرحمة والمغفرة .... عندما تترك ذكر الله و الاستغفار و قيام الليل... عندما تضيع وقتك ولا تستفيد منه بالدراسة والتعلم والدعوة إلى الله تعالى فأنت تملأ الأكواب ماءً!!!!

أما آن الأوان أن نملأ الأكواب باللبن


إنا لله وإنا إليه لراجعون

هكذا الدنيا
وداع للأصحاب
وفراق للأحباب
كم أشتاق إليكم
كم أتشوق للجلوس معكم
ولكن ......................ما باليد حيله
وهانحن اليوم نودع عمتنا الحبيبه
إلى جنة الخلد حبيبتى